ලෝක කුසලාන ක්‍රිකට් තරගාවලියේ ශ්‍රී ලංකාව සහභාගී වන දෙවැනි තරගය අද ( 04) ඇෆ්ගනිස්තානයට එරෙහිව කාඩිෆ්හිදී පැවැත්වීමට නියමිතය. දිවා තරගයක් ලෙස පැවැත්වෙන මෙම තරගය ශ්‍රී ලංකාවේ වේලාවෙන් ප.ව 3.00 ට ආරම්භ වීමට නියමිතය.
මේ වන විට ප්‍රසාද ලකුණු සටහනේ අවසන් ස්ථානය හිමිව සිටින ශ්‍රී ලංකා කණ්ඩායම මෙවර තරගාවලියේ සහභාගී වූ පළමු තරගයම නවසීලන්තය හමුවේ කඩුලු 10 කින් පරාජය වීමට සිදුවිය. එම සටහනේම 9 වැනි ස්ථානයට පත්ව සිටින ඇෆ්ගනිස්තාන කණ්ඩායම ඔවුන් සහභාගී වූ පළමු තරගයම ඔස්ට්‍රේලියාව හමුවේ කඩුලු 7 කින් පරාජය විය. මේ අනුව අද තරගය කණ්ඩායම් ද්විත්වයටම වඩාත් තීරණාත්මක තරගයක් වනු ඇත.
ශ්‍රී ලංකාව සහ ඇෆ්ගනිස්තානය අතර මේ වනවිට එක්දින තරග 3 ක් පවත්වා ඇති අතර ඉන් තරග 2 කම ජය හිමිව ඇත්තේ ශ්‍රී ලංකාවටයි. නමුත් ආසියානු කුසලාන ක්‍රිකට් තරගාවලියේදී ශ්‍රී ලංකාව සහ ඇෆ්ගනිස්තානය අතර පැවැති තරගය ශ්‍රී ලංකාව පරාජය වීමත් සමග ශ්‍රී ලංකාවට ඇෆ්ගනිස්තාන කණ්ඩායම ද සුලුවෙන් සිතිය නොහැක. ඒ අනුව අද තරගය වඩාත් උණුසුම් මුහුණුවරක් ගනු ඇති බව විදෙස් මාධ්‍ය සඳහන් කරයි
Be the first to comment