එංගලන්තයේ ලිවර් පූල්හි පැවැත්වෙන ලෝක කුසලාන දැල්පන්දු තරගාවලියේ ශ්‍රී ලංකාව සහභාගී වන තවත් තරගයක් සැමෝවා කණ්ඩායමට එරෙහිව අද (16) පැවැත්වීමට නියමිතයි. මෙම තරගය ශ්‍රී ලංකාවේ වේලාවෙන් පස්වරු 3.55 ට පමණ ආරම්භ වීමට නියමිතය.
ශ්‍රී ලංකාව පළමු වටයේ සහභාගී වූ තරග තුනම සිම්බාබ්වේ, උතුරු අයර්ලන්තය සහ ඕස්ට්‍රේලියාව යන කණ්ඩායම් හමුවේ පරාජය වීමට සිදුවිය. ඒ අනුව ශ්‍රී ලංකාව දැන් තරග කරනුයේ 13, 14, 15 සහ 16 යන ස්ථානයන් තහවුරු කර ගැනීමේ වටය සඳහාය. එහිදී ශ්‍රී ලංකාව ඊයේ සිංගප්පූරුවට එරෙහිව පැවැති තරගය ගෝල 88- 50 කින් ජය ගැනීමට සමත් විය.
අද පැවැත්වෙන සෙසු තරග ( 16 වැනිදා )
- ෆීජි රාජ්‍ය සහ සිංගප්පූරුව අතර තරගය පස්වරු 1.30
2. උතුරු අයර්ලන්තය සහ නවසීලන්තය අතර තරගය පස්වරු 7.30
3. ඕස්ට්‍රේලියාව සහ මලාවි අතර තරගය පස්වරු 9.30
4. සිම්බාබ්වේ සහ බාර්බඩෝස් අතර තරගය පස්වරු 11.30
Be the first to comment