එංගලන්තයේ ලිවර් පූල්හි පැවැත්වෙන ලෝක කුසලාන දැල්පන්දු තරගාවලියේ 15 වැනි හා 16 වැනි ස්ථාන සඳහා පැවැති තරගයෙන් සිංගප්පූරු කණ්ඩායම එරෙහිව ගෝල 78-57 ක ජයක් ලැබූ ශ්‍රී ලංකා කණ්ඩායම එහි 15 වැනි ස්ථානය දිනා ගනිමින් මෙවර තරගාවලිය අවසන් කළේය.
පළමු කාර්තුව ගෝල 23- 15 කින් ජයගත් ශ්‍රී ලංකා කණ්ඩායම දෙවැනි කාර්තුව ගෝල 20-13ක් ලෙස පහසුවෙන්ම ජය ගනිමින් තරගයේ ජයග්‍රහණය පිළිබද ශ්‍රී ලංකාවට බලාපොරොත්තුවක් ගෙන ආවේය.
තෙවැනි කාර්තුවද ගෝල 22-12 ක් ලෙස ජයගත් ශ්‍රී ලංකා කණ්ඩායම සිව්වන කාර්තුව ආරම්භ වීමටත් මත්තෙන් ගෝල 25ක පරතරයක් තබා ගැනීමට සමත් විය.
සිව්වන කාර්තුවේදී දැඩි තරගකාරිත්වයක් පෙන්නුම් කළ සිංගප්පූරු ක්‍රීඩිකාවන් එම තරග වටය ආරම්භයේ සිටම ශ්‍රී ලංකා ක්‍රීඩිකාවන්ට දැඩි පීඩනයක් එල්ල කරමින් ගෝල 17- 13 කින් එම තරග වටය ජය ගත්තද එවිටමත් තරගයේ ජය ශ්‍රී ලංකා කණ්ඩායම වෙත නතුවී අවසන්ය.
Be the first to comment