එංගලන්තයේ ලිවර්පූල්හි පැවැත්වෙන ලෝක කුසලාන දැල්පන්දු තරගාවලියේ දකුණු අප්‍රිකාව හා එංගලන්තය අතර පැවැති තරගයෙන් ගෝල 58-42 ක ජයක් ලැබූ සත්කාරක එංගලන්ත කණ්ඩායම මෙවර ලෝක කුසලාන දැල්පන්දු තරගාවලියේ තෙවැනි ස්ථානය දිනා ගැනීමට අද ( 21 ) සමත් විය.
පළමු කාර්තුව ගෝල 14-12 කින් ජයගත් එංගලන්ත කණ්ඩායම දෙවැනි කාර්තුව ද ගෝල 15-10 කින් ජය ගනිමින් ජයග්‍රහණයට මූලික අඩිතාලම ලබා දුන්නේය. දකුණු අප්‍රිකානු ක්‍රීඩිකාවන්ට කිසිසේත් හිස එසවීමට අවස්ථාව ලබා නොදුන් එංගලන්ත ක්‍රීඩිකාවන් තෙවැනි කාර්තුව ද ගෝල 17-10 කින් ජය ගැනීමට සමත් විය. සිව්වන කාර්තුවේද ජය හිමිකර ගත් එංගලන්ත ක්‍රීඩිකාවන් එම තරග වටයද ගෝල 12-10 කින් අවසන් කළේය.
ඔස්ට්‍රේලියාව සහ නවසීලන්තය අතර අවසන් මහ තරගය ශ්‍රී ලංකාවේ වේලාවෙන් අද රාත්‍රි 9.15ට ආරම්භ වීමට නියමිතයි.
Be the first to comment