ලසිත් මාලිංග එක්දින ක්‍රිකට් පිටියෙන් විශ්‍රාම ගැනීමත් සමග බංග්ලාදේශයට එරෙහිව පැවැත්වෙන දෙවැනි හා තෙවැනි එක්දින තරග සඳහා තුන් ඉරියව් ක්‍රීඩක දසුන් ශානක කැඳවීමට ශ්‍රී ලංකා තේරීම් කමිටුව පියවර ගෙන තිබේ.
දිමුත් කරුණාරත්නගේ නායකත්වයෙන් යුත් සංචිතයට ක්‍රිඩකයන් 16 දෙනෙකු නම්කර තිබේ.
බංග්ලාදේශයට එරෙහිව පැවැති පෙර පුහුණු එක්දින තරගයේදී පන්දු 63කදී නොදැවී ලකුණු 86ක් රැස් කිරීමට ද දසුන් ශානක සමත් විය. ඔහුගේ ඉනිමට හයේ පහර 6ක් සහ හතරේ පහර 6ක් ඇතුළත් විය.
මේ වනවිට එක්දින තරග 19කට ක්‍රීඩාකර ඇති දසුන් ශානක එහිදී රැස්කර ගෙන ඇති ලකුණු සංඛ්‍යාව 327කි.
ශ්‍රී ලංකා සංචිතය – දිමුත් කරුණාරත්න (නායක), කුසල් ජනිත් පෙරේරා, අවිශ්ක ප්‍රනාන්දු, කුසල් මෙන්ඩිස්, ඇන්ජලෝ මැතිව්ස්, ළහිරු තිරිමාන්න, ෂෙහාන් ජයසූරිය, ධනංජයද සිල්වා, වනිඳු හසරංග, අකිල ධනංජය, නුවන් ප්‍රදීප්, ළහිරු කුමාර, තිසර පෙරේරා, ඉසුරු උදාන, කසුන් රාජිත, දසුන් ශානක (දෙවැනි හා තෙවැනි තරග සඳහා)
Be the first to comment