ශ්‍රී ලංකා යුද හමුදා කමාන්ඩෝ රෙජිමේන්තුව, ශ්‍රී ලංකා මොටර් රථ ක්‍රීඩා රියැදුරන්ගේ සහ යතුරුපැදිකරුවන්ගේ සංගමය සමග එක්ව සංවිධානය කරන ‘ කමාන්ඩෝ සුපර් ක්‍රොස්‘ මෝටර් රථ සහ යතුරුපැදි තරගාවලිය හෙට (4 වැනිදා) ඌව, කුඩාඔය කමාන්ඩෝ රෙජිමේන්තු ධාවන පථයේදී පැවැත්වේ.
මෙවර මෝටර් රථ රියැදුරන් 90 ක් සහ යතුරුපැදිකරුවන් 135 ක් සහභාගි වීමට නියමිතය.
මෙවර කොමාන්ඩෝ සුපර් ක්‍රොස් තරගාවලිය දක්ෂතම මෝටර් රථ රියැදුරා සහ දක්ෂතම යතුරුපැදිකරුවා තෝරාගන්නා ඉසව් 4 ද සමග මෝටර් රථ ඉසව් 9 කින් සහ යතුරුපැදි තරග 13 කින් සමන්විත වේ.
2018 වසරේ පැවැති කොමාන්ඩෝ සුපර් ක්‍රොස් තරගාවලියේදී දක්ෂතම මෝටර් රථ රියැදුරා ලෙස අශාන් සිල්වාද, දක්ෂතම යතුරුපැදිකරුවා ලෙස ගයාන් සඳරුවන්ද සම්මාන දිනාගත්හ.
Be the first to comment