ශ්‍රී ලංකා නැගී එන ක්‍රිකට් කණ්ඩායමේ , බංග්ලාදේශ සංචාරය මේ මස 19 වැනිදා පැවැත්වෙන පළමු එක්දින තරගයෙන් ආරම්භ වීමට නියමිතයි. ශ්‍රී ලංකා නැගී එන කණ්ඩායම එක්දින තරග 3කට සහ සිව්දින ටෙස්ට් තරග දෙකකට එහිදී සහභාගී වීමට නියමිතය.
තරගාවලියට සහභාගී වන ශ්‍රී ලංකා කණ්ඩායම මේ මස 16 වැනිදා බංග්ලාදේශය බලා පිටත්ව යාමට නියමිතය.
චමින්ද වාස්ගේ ගුරුහරුකම් මැද දකුණු අප්‍රිකානු සංචාරය යටතේ පැවැති නැගී එන කණ්ඩායම් අතර තුන්කොන් තරගාවලියේදී එරට සරසවි ක්‍රිකට් කණ්ඩායමට එරෙහිව අවසන් මහ තරගයෙන් ජයගැනීමට ශ්‍රී ලංකා නැගී එන කණ්ඩායම සමත් විය. ටෙස්ට් තරගාවලිය 1-0 කින් පරාජය වුවද එහිදී ශ්‍රී ලංකා ක්‍රීඩකයන් දැක්වූ දක්ෂතා ඉහළ තැනක තිබුණි.
ඒ අනුව ශ්‍රී ලංකා නැගී එන කණ්ඩායම බංග්ලාදේශ සංචාරය සඳහා එක් වන්නේ ජයග්‍රාහී මානසිකත්වයෙන් යුතුවය.
තරග කාල සටහන
අගෝස්තු 19 – පළමු එක්දින තරගය – බංග්ලාදේශයේ සවාර්හිදී
අගෝස්තු 21 – දෙවැනි එක්දින තරගය – බංග්ලදේශයේ සවාර්හිදී
අගෝස්තු 24 – තෙවැනි එක්දින තරගය – බංග්ලාදේශයේ ඛුල්නාහිදී
අගෝ 27 – 30 – පළමු සිව්දින ටෙස්ට් තරගය – බංග්ලාදේශයේ ඛුල්නාහිදී
සැප් 03- 06 – දෙවැනි සිව්දින ටෙස්ට් තරගය – බංග්ලාදේශයේ බසාර්හිදී
Be the first to comment