නවසීලන්තයට එරෙහි තරග දෙකකින් යුත් ටෙස්ට් තරගාවලියට අදාල ක්‍රීඩකයන් 22 දෙනෙකුගෙන් යුත් ශ්‍රී ලංකා සංචිතය අද ( 07 ) නිල වශයෙන් ප්‍රකාශයට පත් කළේය.
කණ්ඩායමේ නායකත්වය සුපුරුදු පරිදි දිමුත් කරුණාරත්නට හිමිව ඇති මුත් උප නායකයෙකු නිශ්චිත වශයෙන් දක්වා නොමැත. මෙම වසරේ පෙබවාරි මාසයෙන් පසු ටෙස්ට් පිටියෙන් ඉවත්ව සිටි ශ්‍රී ලංකා හිටපු ටෙස්ට් නායක දිනේෂ් චන්දිමාල් නැවතත් කණ්ඩායමට එක් කිරීමට ශ්‍රී ලංකා තේරීම් කමිටුව පියවර ගෙන තිබේ.
ශ්‍රී ලංකාව සහ නවසීලන්තය අතර පළමු ටෙස්ට් තරගය මේ මස 14 වැනිදා ගාල්ල ජාත්‍යන්තර ක්‍රිකට් ක්‍රීඩාංගණයේදී ආරම්භ වීමට නියමිතයි.
ශ්‍රී ලංකා ටෙස්ට් සංචිතය
දිමුත් කරුණාරත්න ( නායක ), ඇන්ජලෝ මැතිවුස්, දිනේෂ් චන්දිමාල්, ලහිරු තිරිමාන්න, කුසල් මෙන්ඩිස්, කුසල් ජනිත් පෙරේරා, නිරෝෂන් දික්වැල්ල, ධනංජය ද සිල්වා, ඇන්ජලෝ පෙරේරා, ඔෂධ ප්‍රනාන්දු, ධනුෂ්ක ගුණතිලක, ෂෙහාන් ජයසූරිය, චාමික කරුණාරත්න, දිල්රුවන් පෙරේරා, අකිල ධනංජය, ලසිත් ඇඹුල්දෙනිය, ලක්ෂාන් සඳකැන්, සුරංග ලක්මාල්, ළහිරු කුමාර, විශ්ව ප්‍රනාන්දු, කසුන් රාජිත, අසිත ප්‍රනාන්දු
Be the first to comment