ශ්‍රී ලංකා පාපන්දු සම්මේලන සංවිධානය කරන වයස 12 න් පහළ අන්තර් ඇකඩමි පාපන්දු ශූරතාවලියේ අවසන් අදියරේ තරග හෙට ( 10 ) කොළඹ තුරඟ තරග පිටියේදී පෙ.ව 7.00 ට ආරම්භ වීමට නියමිතය.
මෙවර තරගාවලිය සඳහා පළමු සඳහා දෙවැනි වශයෙන් අදියර දෙකකදී කණ්ඩායම් තෝරා ගැනීම සිදු වූ අතර ඒ අනුව හෙට දිනයේදී පළමු සහ දෙවැනි අදියරන්හිදී ජයග්‍රහණය කළ කණ්ඩායම් 12ක් ශූරතාවය සඳහා එකිනෙකා හමුවීමට නියමිතය.
පළමු අදියරේ තරග මෙම වසරේ පෙබරවාරි මස 16 වන දින පවත්වනු ලැබීය. එහිදී ලංකාව පුරා විසිරී සිටින කණ්ඩායම් 26ක් කාණ්ඩ 7ක් යටතේ තරග වදිනු ලැබීය. එහිදී සිය කාණ්ඩයේ පෙරමුණ ගත් කණ්ඩායම් 7 අවසන් අදියර සඳහා සුදුකම් ලබා ගැනීමට සමත් විය.
දෙවැනි අදියරේ තරග මෙම වසරේ මාර්තු මස 16 වැනි දින පවත්වනු ලැබීය. දෙවැනි අදියර සඳහා කණ්ඩායම් 19ක් සහභාගී වූ අතර එහිදී කාණ්ඩ 5ක් යටතේ සිය කණ්ඩායම් තරග වදිනු ලැබීය. එහිදීද, එක් එක් කාණ්ඩයන්හි පෙරමුණ ගත් කණ්ඩායම් 5 අවසන් අදියර සඳහා සුදුසකම් ලබා ගැනීමට සමත් විය.
Be the first to comment