බංග්ලාදේශ කණ්ඩායමට එරෙහිව පැවති ටෙස්ට් තරගයෙන් ලකුණු 224ක විශිෂ්ඨ ජයක් ලැබූ රශීඩ් ඛාන්ගේ නායකත්වයෙන් යුතු ඇෆ්ගනිස්තාන කණ්ඩායම සිය රටෙන් එපිටතදී ලැබූ පළමු ටෙස්ට් ජයග්‍රහණය වාර්තා කිරීමට ඊයේ ( 09 ) සමත් විය.
ජයග්‍රහණය සඳහා ලකුණු 398 ක ඉලක්කය හඹාගිය බංග්ලාදේශ කණ්ඩායමට සිය දෙවැනි ඉනිම සඳහා ද සියලු දෙනා දැව රැස්කර ගතහැකි වූයේ ලකුණු 173ක් පමණි.
බංග්ලාදේශ දෙවැනි ඉනිමේ වැඩිම ලකුණු ලාභියා බවට පත් වූ නායක ශකීබ් අල් හසන් ලකුණු 44ක් රැස් කිරීමට සමත් විය.
තරගය සම්පූර්ණයෙන්ම කණපිට හැරවූ නායක රශීඩ් ඛාන් සිය පළමු ඉනිමෙන් ලකුණු 55කට කඩුලු 5ක් සහ දෙවැනි ඉනිමෙන් ලකුණු 49කට කඩුලු 6ක් බිද හෙලමින් ඇෆ්ගනිස්තානයට ජයග්‍රහණය ගෙන ඒමට කටයුතු කළේය.
ඇෆ්ගනිස්තානය වෙනුවෙන් මංගල ටෙස්ට් ශතකය වාර්තා කිරීමට රහමට් ෂා සමත් විය.
Be the first to comment