තෙවැනි වරටත් පවත්වනු ලබන “ෆෙයාර් ඇන්ඞ් ලව්ලි මෙන්” අභියෝගතා කුසලාන වෙළඳ සේවා ‘බී’ කොටසේ ක්‍රිකට් තරගාවලිය ලබන ඔක්තෝබර් මස 5 වැනිදා ආරම්භ කිරීමට නියමිතය.
වෙළද සේවා ක්‍රිකට් සංගමය විසින් සංවිධානය කරනු ලබන මෙම තරගාවලිය සදහා කණ්ඩායම් 7 ක් තරග වැදීමට නියමිත අතර ඒ අනුව යුනිලීවර් ශ්‍රී ලංකා, සී.ඩී.බී, හැටන් නැෂනල් බැංකු ‘ඒ’, සිංගර් ශ්‍රී ලංකා ‘ඒ, ඒසියා ඇසට් ෆිනෑන්ස්, පිරමිඞ් විල්මා, මාස් සිළුඒටා යන කණ්ඩායම් සිටියි.
ලීග් තරගාවලියේ කණ්ඩායම් එකිනෙකා සමගින් තරග කරන අතර ඉහළම ප්‍රසාද ලකුණු ලබා ගන්නා කණ්ඩායම් හතර අවසන් පූර්ව වටයට සුදුසුකම් ලබාගනී. ලීග් තරගාවලියේ සම්පූර්ණ තරග සංඛ්‍යාව 21 කි. ඔක්තෝබර් 5 වැනිදා ආරම්භ වන ලීග් තරගාවලිය ඔක්තෝබර් 27 වැනිදා දක්වා පැවැත්වෙනු ඇත.
අවසන් පූර්ව වටයේ තරග නොවැම්බර් 2 වැනිදා පැවැත්වෙන අතර අවසන් මහ තරගය නොවැම්බර් 9 වැනිදා වෙළද සේවා ක්‍රීඩාංගණයේදී පැවැත්වේ.
Be the first to comment