ස්මිත් සහ කම්න්ස් ටෙස්ට් වර්ගීකරණයේ පෙරමුණ ගනිති

ඕස්ට්‍රේලියානු හිටපු නායක ස්ටිව් ස්මිත් සහ වේග පන්දු යවන ක්‍රීඩක පැට් කමින්ස් මෙවර අළු බඳුන ක්‍රිකට් තරගාවලියේදී දක්වන ලද දක්ෂතා හේතුවෙන් නවතම ටෙස්ට් පිතිකරුවන්ගේ සහ පන්දු යවන්නන්ගේ සටහනේ පෙරමුණ ගැනීමට සමත්ව ඇත.

ප්‍රසාද ලකුණු 937ක් හිමිකර ගෙන සිටින ස්මිත්, දෙවැනි ස්ථානයේ රැදී සිටින ඉන්දීය නායක විරාට් කෝලිට වඩා ප්‍රසාද ලකුණු 34කින් පෙරමුණ ගෙන සිටියි. ස්මිත් මෙවර අළු බඳුන තරගාවලිය ආරම්භ කිරීමට පෙර මෙම සටහනේ රැදී සිටියේ ප්‍රසාද ලකුණු 857ක් සමගින් සිව්වන ස්ථානයේය. ඔහු මෙවර තරගාවලියේ ඉනිම් 10 තුළදී, ලකුණු 774ක් රැස් කිරීමට සමත් විය.

පිතිකරණ අංශයේ මෙන්ම පන්දු යවන්නන්ගේ සටහනේ ද පෙරමුණ ගත් ඕස්ට්‍රේලියානු ක්‍රීඩක පැට් කමින්ස් කඩුලු 29ක් බිද හෙලමින් මෙවර තරගාවලියේ වැඩිම කඩුලු ලාභියා බවට පත්විය. ඔහු ටෙස්ට් පන්දුයවන්නන්ගේ සටහනේ පෙරමුණේ රැදී සිටිනුයේ ප්‍රසාද ලකුණු 908ක් හිමිකර ගනිමිනි.

ඔවුන්ට අමතරව මෙවර අළු බඳුන තරගාවලියේදී දක්ෂතා අතරට පිවිසි මැතිව් වේඩ් ස්ථාන 32ක් ඉදිරියට පැමිණෙමින් පිතිකරුවන්ගේ සටහනේ 78වන ස්ථානයේත්, මිචෙල් මාෂ් ස්ථාන 20ක් ඉදිරියට පැමිණෙමින් පන්දුයවන්නන්ගේ සටහනේ 54වන ස්ථානයේත් රැදී සිටිති.

එංගලන්ත පිතිකුරවන් වන ජොස් බට්ලර් හොඳම පිතිකරුවන් 30 දෙනා අතරට පිවිසෙද්දී, රොරී බර්න්ස් ස්ථාන 5ක් ඉදිරියට පැමිණෙමින් 56 වන ස්ථනයේ රැදී සිටියි. ජෝ ඩෙන්ලි මෙවර තරගිවලියේදී ලකුණු 94ක් රැස් කිරීමත් සමග ඔහුට 57 වැනි ස්ථානය දක්වා ඉදිරියට පැමිණිමට අවස්ථව හිමි විය.

එංගලන්ත කණ්ඩායම වෙනුවෙන් තර්ජනාත්මක පන්දු යැවීමක නිරත වන ජොෆ්රා ආචර් තමන් සහභාගී වූ පළමු ටෙස්ට් තරගාවලියේදීම කඩුලු 22 ක් තමන්ගේ ගිණුමට එක්කර ගැනීමට සමත් වූයේ නවතම ටෙස්ට් පන්දු යවන්නන්ගේ සටහනේ 37 වැනි ස්ථානය හිමිකරගනිමිනි.

මෙවර තරගාවලියේ අසාර්ථකම පිතිකරුවා බවට පත්වූ ඩේවිඩ් වෝනර්ට ඔහු මුහුණ දුන් ඉනිම් 10 තුළදීම රැස්කර ගතහැකි වූයේ ලකුණු 95ක් පමණි. ඒ අනුව ඔහුට මෙම වර්ගීකරණයේ හිමිව ඇත්තේ 24 වැනි ස්ථානයයි.

නවතම ටෙස්ට් පිතිකරුවන්ගේ සටහන

ස්ථානය	(+/-)	පිතිකරු	කණ්ඩායම	ප්‍ර.ල	සාමාන්‍ය	ලැබූ ඉහළම ප්‍ර.ල
1	( – )	Steve Smith	Aus	937	64.56	947 v SA at Durban 2018
2	( – )	Virat Kohli	India	903	53.14	937 v Eng at Southampton 2018
3	( – )	K Williamson	NZ	878	52.22	915 v Ban at Hamilton 2019
4	( – )	C Pujara	India	825	49.87	888 v SL at Nagpur 2017
5	( – )	Henry Nicholls	NZ	749	44.25	778 v Ban at Wellington 2019
6	( – )	Joe Root	Eng	731	47.91	917 v Aus at Trent Bridge 2015
7	( – )	A Rahane	India	725	42.23	825 v NZ at Indore 2016
8	( – )	Tim Latham	NZ	724!	44.03	724 v SL at Colombo (PSS) 2019
9	( – )	D Karunaratne	SL	723	36.93	754 v SA at Colombo (SSC) 2018
10	( – )	Aiden Markram	SA	719*	43.8	759 v Aus at Johannesburg 2018

 නවතම ටෙස්ට් පන්දු යවන්නන්ගේ සටහන

ස්ථානය	(+/-)	පන්දු යවන්නා	කණ්ඩායම	ප්‍ර.ල	සාමාන්‍ය	ලැබූ ඉහළම ප්‍ර.ල
1	( – )	Pat Cummins	Aus	908	21.45	914 v Eng at Old Trafford 2019
2	( – )	K Rabada	SA	851	21.77	902 v Aus at Port Elizabeth 2018
3	( – )	J Bumrah	India	835*!	19.24	835 v WI at Jamaica 2019
4	( – )	Jason Holder	WI	814 !	27.26	814 v India at Jamaica 2019
5	( – )	V Philander	SA	813	21.64	912 v India at Johannesburg 2013
6	( – )	J Anderson	Eng	798	26.94	903 v India at Lord’s 2018
7	( – )	Trent Boult	NZ	795	27.35	825 v Eng at Lord’s 2015
8	( – )	Neil Wagner	NZ	785	27.51	801 v Ban at Wellington 2019
9	(+1)	Kemar Roach	WI	780!	26.94	780 v India at Jamaica 2019
10	(+1)	M Abbas	Pak	770*	18.86	838 v NZ at Abu Dhabi 2018