කැරිබියන් ප්‍රීමියර් ලීග් ක්‍රිකට් තරගාවලිය නියෝජනය කරමින් සිටි තිසර පෙරේරා ශ්‍රී ලංකා ක්‍රිකට් ආයතනය කළ දැනුම් දීමකට අනුව, යළිත් දිවයින බලා පිටත්ව ඇති බව ක්‍රිකට් ආරංචි මාර්ග සඳහන් කරයි.
එහිදී තිසර පෙරේරාට යළිත් ශ්‍රී ලංකා කණ්ඩායම සමගින් එක්ව පුහුණුවීම් කටයුතු ආරම්භ කරන ලෙස ඉල්ලීමක් කර තිබේ.
නවසීලන්ත සංචාරයේදී අවස්ථාවක් ලබා නොදීම හේතුවෙන් තිසර පෙරේරා පකිස්තාන සංචාරයෙන් ද ඉවත්ව කැරිබියන් ප්‍රීමියර් ලීග් ක්‍රිකට් තරගාවලියේ ශාන්ත ලුසියා කණ්ඩායමට ක්‍රීඩා කිරීමට තීරණය කළේය.
තිසර කී‍්‍රඩා කළ ශාන්ත ලූසියා කණ්ඩායමට ඔහුගේ පුරප්පාඩු වූ ස්ථානය වෙනුවෙන් දකුණු අප‍්‍රිකානු ක‍්‍රීඩක කොලින් ඉන්ග‍්‍රෑම් කැදවා තිබේ.
Be the first to comment