සංචාරක බංග්ලාදේශ ඒ කණ්ඩායම සහ ශ්‍රී ලංකා ඒ කණ්ඩායම අතර පැවැත්වීමට නියමිත සිව්දින ටෙස්ට් තරගාවලිය සහ එක්දින තරගාවලියේ සියලු තරග අයහපත් කාළගුණය හේතුවෙන් හම්බන්තොට මහින්ද රාජපක්ෂ ක්‍රීඩාංගණය වෙත ගෙන යාමට ශ්‍රී ලංකා ක්‍රිකට් ආයතනය පියවර ගෙන තිබේ.
ඒ අනුව පළමු නිල නොවන සිව්දින තරගය මේ මස 23 වැනිදා ආරම්භ වීමට නියමිතව තිබුණද එකදු පන්දුවාරයක්වත් ක්‍රීඩා කිරීමට අවස්ථාව හිමි නොවූයේ දිගින් දිගටම කටුනායක මේරියන්ස් ක්‍රිකට් ක්‍රීඩාංගණය වෙත වර්ෂාව පතිත වීමත් හේතුවෙනි. මේ හේතුවෙන් තරග කාල සටහන යම් වෙනස්කමකට ලක් කරමින් සියලු තරගය කොළඹින් පිටතට ගෙන යාමට කටයුතු සංවිධානය කර තිබේ.
ඒ අනුව, දෙරට අතර පළමු නිල නොවන සිව්දින ටෙස්ට් තරගය මේ මස 28 වැනිදා ආරම්භ වීමට නියමිතය.
තරග කාල සටහන
සැප් 28 -ඔක් 01 – පළමු සිව්දින ටෙස්ට් තරගය හම්බන්තොටදී
ඔක් 04 – 07 – දෙවැනි සිව්දින ටෙස්ට් තරගය හම්බන්තොටදී
ඔක් 09 – පළමු එක්දින තරගය හම්බන්තොටදී
ඔක් 10 – දෙවැනි එක්දින තරගය හම්බන්තොටදී
Be the first to comment