දකුණු අප්‍රිකානු හිටපු ප්‍රහාරාත්මක පිතිකරුවෙකු වන ඒබී ඩී විලියස් ඕස්ට්‍රේලියාවේ පැවැත්වෙන බිග් බෑෂ් තරගාවලියේදී බ්‍රිස්බෙන් හීට් කණ්ඩායම සඳහා තෝරාගෙන තිබේ.
ඔහු මේ සඳහා අදේශ කර ඇත්තේ, නවසීලන්තයේ හිටපු ප්‍රහාරාත්මක පිතිකරුවෙකු වන බ්‍රෙන්ඩන් මැකලම් සම්පූර්ණ ක්‍රිකට් පිටියෙන් ඉවත් වීමත් සමගය.
ජාත්‍යන්තර ක්‍රිකට් පිටියෙන් ඉවත් වීමත් සමග ලීග් තරගාවලි සඳහා පමණක් සහභාගීවූ ඩිවිලියස්, එහිදි ද උපරිම දක්ෂතා දැක්වීමට සමත් විය. මෙම වසරේ නිමාවට පත් වූ ඉන්දීය ප්‍රීමියර් ලීග් ක්‍රිකට් තරගාවලියේදී තරග 13 කදී ලකුණු 442ක් රැස් කිරීමට සමත් විය. මේ වනවිට ලෝකයේ පැවැත්වෙන ප්‍රධාන තරගාවලි අතරින් විස්සයි 20 තරග 150 කට අධික සංඛ්‍යාවක් ක්‍රීඩාකර ඇති ඩිවිලියස්, එහිදී විස්සයි 20 ශතක 4කටද හිමිකමි කියයි.
Be the first to comment