සංචාරක බංග්ලාදේශ ඒ කණ්ඩායම සහ ශ්‍රී ලංකා ඒ කණ්ඩායම අතර හම්බන්තොට මහින්ද රාජපක්ෂ ක්‍රීඩාංගනයේදී පැවැත්වීමට නියමිතව තිබූ එක්දින තරගාවලිය කොළඹ ආර් ප්‍රේමදාස ක්‍රීඩාංගණය වෙත ගෙන ඒමට ශ්‍රී ලංකා ක්‍රිකට් ආයතනය පියවර ගෙන තිබේ.
කොළඹ පැවති අයහපත් කාළගුණය තත්වය හේතුවෙන් සිව්දින ටෙස්ට් තරගාවලිය හම්බන්තොට පැවැත්වීමට තීරණය කළ අතර ඒ අනුව නැවතත් යහපත් කාළගුණික තත්ත්වයක් කොළඹ පැවතීම හේතුවෙන් එක්දින තරග 3 කොළඹ පැවැත්වීමට තීරණය කර තිබේ.
දෙරට අතර පළමු එක්දින තරගය මේ මස 9 වැනිදා පැවැත්වෙන අතර දෙවැනි සහ තෙවැනි තරග පිළිවෙලින් 10 වැනිදා සහ 12 වැනිදා පැවැත්වීමට නියමිතය.
Be the first to comment