ශ්‍රී ලංකා පාසල් ක්‍රිකට් සංගමය සහ සිංගර් ආයතනය එක්ව සංවිධානය කළ අන්තර් පාසල් වයස අවුරුදු 17න් පහළ පළමු කාණ්ඩයේ ක්‍රිකට් තරගාවලියේදී මොරටුව ශාන්ත සෙබස්තියන්ස් විද්‍යාලය පරාජය කරමින් මෙවර ශූරතාව දිනා ගැනීමට කොළඹ මහානාම විද්‍යාලය ඊයේ ( 10 ) සමත් විය. මෙම තරගය කොළඹ තර්ස්ටන් විද්‍යාල ක්‍රීඩාංගණයේදී පැවැත්විණි.
ජයග්‍රහණය සඳහා ලකුණු 197ක ඉලක්කය හඹාගිය මහානාම ක්‍රීඩකයෝ පන්දුවාර 46.2කදී කඩුලු 7ක් පමණක් දැවී සිය ඉලක්කය පසුකර ගියහ.
මහානාම විද්‍යාලය වෙනුවෙන් සචිර වැලිවත්ත (47) , විනුක රුබසිංහ ( 41) සහ කවීෂ දිසානායක ( නොදැවී 32 ) රැස් කරමින් කණ්ඩායම ජයග්‍රහණය වෙත රැගෙන ගියහ.
කාසියේ වාසිය දිනූ මහානාම විද්‍යාලය පළමුව පන්දුවට පහර දීමට ශාන්ත සෙබස්තියන් විද්‍යාලයට ආරාධනා කළසිටි අතර ඒ අනුව නියිමිත පන්දුවාර 50 අවසානයේ කඩුලු 9ක් දැවී රැස්කර ගතහැකි වූයේ ලකුණු 196ක් පමණි.
සෙබස්තියන්ස් විද්‍යාලයේ සුඛිත ප්‍රසන්න විශිෂ්ඨ ඉනිමක් ක්‍රීඩාකරමින් ලකුණු 67ක් රැස් කිරීමට සමත් විය.
පන්දු යැවීමේදී සන්තිල රෝහන ලකුණු 12කට කඩුලු 2ක් සහ සදීශන් සමරසිංහ ලකුණු 25කට කඩුලු 2 බැගින් බිද හෙලූහ.
Be the first to comment