ඕස්ට්‍රේලියාවට එරෙහිව ආරම්භ වීමට නියමිත තරග 3කින් සමන්විත විස්සයි 20 තරගාවලියට සහභාගී වන ශ්‍රී ලංකා සංචිතයට තුන් ඉරියව් ක්‍රීඩක රමේෂ් මෙන්ඩිස් කැඳවීමට ශ්‍රී ලංකා ක්‍රිකට් තේරීම් කමිටුවේ අවධානය යොමුව තිබේ.
රමේෂ් මෙන්ඩිස් බංග්ලාදේශ ඒ කණ්ඩායමට එරෙහිව පැවැති එක්දින තරගාවලියේදි පන්දු යවන්නෙකු ලෙස දසක්ම් දැක්වීමට සමත් වූ අතර, ඒ අනුව ඔහු කණ්ඩායමට එක් කිරීමට වැඩි අවස්ථාවක් පවතින බව ක්‍රිකට් ආරංචි මාර්ග සඳහන් කරයි.
බංග්ලාදේශ ඒ කණ්ඩායම සමගින් පැවති පළමු එක්දින තරගයේදී ලකුණු 17කට කඩුලු 2ක් සහ දෙවැනි එක්දින තරගයේදී ලකුණු 40 කට කඩුලු 3ක් බිද හෙලීමට ඔහු සමත් විය.
ශ්‍රී ලංකාව සහ ඕස්ට්‍රේලියාව අතර පළමු විස්සයි 20 තරගය මේ මස 27 වැනිදා ආරම්භ වීමට නියමිතය.
Be the first to comment