8 වෙනි ජාත්‍යන්තර කැරම් තරගාවලිය අද (02) ඉන්දියාවේ දී ආරම්භවීමට නියමිතයි.
තරගාවලිය පැවැත්වෙන්නේ ඉන්දියාවේ පුනේ නගරයේදීයි.
සිව් වසරකට වරක් පැවැත්වෙන මෙම තරගාවලිය සඳහා ශ්‍රී ලංකාව ඇතුළුව රටවල් 16ක් එක්වේ.
ක්‍රීඩකයන් සිව් දෙනෙක් සහ ක්‍රීඩිකාවන් සිව් දෙනෙක් මෙවර තරගාවලිය නියෝජනයකරමින් ශ්‍රී ලංකාවෙන් එක්වෙන අතර පිරිමි කණ්ඩායම ශ්‍රී ලංකා නාවික හමුදාවේ නිශාන්ත ප්‍රනාන්දු මෙහෙයවන අතර ජාතික කරම් ශුරිය වන ජෝසප් රෙශිටා කාන්තා කණ්ඩායමේ නායකත්වය දරයි.
පිරිමි ජාතික ශුරයා වන ෂයිඩ් හිල්මි (රාජකීය විද්‍යාලය-කොළඹ) , අනාෂ් අහමඩ් (ශ්‍රී ලංකා යුද හමුදාව) දෙනෙත් දුලක්ෂණ (ශ්‍රී ලංකා ගුවන් හමුදාව) පිරිමි කණ්ඩායමේ අනකුත් ක්‍රීඩකයන්ය .
මදුකා දිල්ශානි, එම්. චිත්‍රා දේවි , රෙබෙකා ඩෑල්රින් යන ශ්‍රී ලංකා යුද හමුදාව ක්‍රීඩිකාවන් තිදෙනාද කාන්තා කණ්ඩායම නියෝජනය කරති.
Be the first to comment