මතභේදාත්මක ලෙස නායකයත්වයෙන් නෙරපා දැමූ ඇෆ්ඝනිස්තානයේ ක්‍රිකට් නායක අස්ගර් ඇෆ්ගන් මාස අටක් වැනි කෙටි කාලයක් තුළ නැවත නායකත්වයට පත් කළ බව ඇෆ්ඝනිස්තාන් ක්‍රිකට් මණ්ඩලය නිවේදනය කරයි.
මේ වනවිට 31 හැවිරිදි වියේ පසුවන අස්ගර් ඇෆ්ගන් 2015 ලෝක කුසලාන තරගාවලියෙන් පසුව ජාත්‍යන්තර තරග 104 කදී ඇෆ්ඝනිස්තාන් කණ්ඩායමේ නායකත්වය දැරීය. පසුගිය මැයි මාසයේදී ඔහුව නායකත්වයෙන් ඉවත්කර දැමූ අතර රෂීඞ් ඛාන් සහ මොහොමඞ් නබි ඇතුළු ජ්‍යෙෂ්ඨ ක්‍රීඩකයෝ මෙම තීරණය ප්‍රසිද්ධියේ විවේචනය කළහ.
ලෝක කුසලාන තරගාවලියෙන් පසුව පසුගිය ජූලි මාසයේදී සියළුම ආකාරයේ තරග වලදී නායකත්වය රෂීඞ් ඛාන් භාරගත් අතර ටෙස්ට් තරග දෙකකට නායකත්වය දුන් ඔහු ඉන් එක් තරගයක් ජයග්‍රහණය කරවීමට සමත්විය.
අස්ගර් ඇෆ්ගන් යළිත් නායකත්වයට පත්වීමත් සමගින් කණ්ඩායමේ උප නායකයා ලෙස රෂීඞ් ඛාන් කටයුතු කරනු ඇත.
Be the first to comment