දිවා ආහාරයෙන් අනතුරුව ක්‍රීඩාංගණය පරීක්ෂා කළ විනිසුරුවෝ සිවුවැනි දිනයේදී එක් පන්දුවක් හෝ නොයවාම තරගය අත්හිටුවීමට තීරණය කළහ. ඊයේ දිනයේදී ඕවර 5.2 ක් යැවීමට හැකි වුවද, වර්ෂාව හේතුවෙන් අද ( 14 ) දිනයේදී තරගය ආරම්භ කිරීමට පවා නොහැකි තත්වයක් පැවැතිණ. හෙට (15 වැනිදා) තරගයේ පස්වන හා අවසන් දිනයයි.
සිය 6 වැනි ටෙස්ට් ශතකය හඹා යමින් සිටින ධනංජය ද සිල්වාට හෙට ( 15 ) දිනය වනතුරුත් ඉවසා සිටීමට සිදුව ඇත්තේ පන්දු 151කදී හතරේ පහර 15ක් සමගින් නොදැවී ලකුණු 87ක් ලබා ගනිමිනි. ඔහු හා අනෙත් අන්තයේ රැදී සිටින දිල්රුවන් පෙරේරා ලකුණු 6ක් ලබා කඩුල්ලේ රැදී සිටියි.
ශ්‍රී ලංකා කණ්ඩායම – පන්දුවාර 91.5කදී කඩුලු 6කට ලකුණු 282
( දිමුත් කරුණාරත්න 59, ඕෂධ පුනාන්දු 40, ඇන්ජලෝ මැතිවුස් 31, ධනංජය ද සිල්වා නොදැවී 87, නිරෝෂන් දික්වැල්ල 33, දිල්රුවන් පෙරේරා නොදැවී 06 , ෂයින් අෆ්රිඩි 58/2, නසීම් ෂා 83/2 )
Be the first to comment