ශ්‍රී ලංකා විස්සයි 20 කණ්ඩායමේ නායිකා චමරි අතපත්තු ඕස්ට්‍රෙලියාවට එරෙහිව දැක් වූ දක්ෂතා හේතුවෙන් නවතම කාන්තා එක්දින ශ්‍රේණිගත කිරීම්හි 12 වැනි ස්ථානය දක්වා ඉදිරියට පැමිණීමට සමත්ව ඇත.
තෙවැනි එක්දින තරගයේදී චමරි අතපත්තු ඕස්ට්‍රේලියාවට එරෙහිව දෙවැනි එක්දින ශතකය මෙන්ම තම එක්දින දිවියේ 5වැනි ශතකය වාර්තා කරමින් පන්දු 124කදී හතරේ පහර 13ක් සමග ලකුණු 103ක් රැස් කිරීමට සමත් වූවාය.
ඉන්දියවේ ස්මිත්‍රි මන්දනා ප්‍රසාද ලකුණු 786ක් හිමිකර ගනිමින් මෙම සටහනේ පෙරමුණ ගෙන ඇති අතර, නවසීලන්තයේ ඇමී සැටර්වයිට් ප්‍රසාද ලකුණු 759ක් සමගින් දෙවැනි ස්ථානයේ පසුවෙයි. ඕස්ට්‍රේලියාවේ ඇලීසා හේලි ප්‍රසාද ලකුණු 738ක් සමගින් තෙවැනි ස්ථානයේ පසුවෙයි.
Be the first to comment