නත්තලට තව දින කිහිපයක් ඉතිරිව ඇති නමුත් ඉන්දියානු නායක විරාත් කෝලි මේ වන විටත් ප්‍රීතිමත් සමය ආරම්භ කර තිබේ.
නත්තල් සියා ලෙස සැරසී විරාත් කෝලි කොල්කටාහි ළමා නිවාසයකට විස්මිත සංචාරයක් කළ අතර ඔවුන්ගේ මුහුණු වලට සිනහවක් ගෙනෙන තෑගි බෙදා දුන්නේය.
ස්ටාර් ස්පෝර්ට්ස් විසින් නිකුත් කරන ලද වීඩියෝවකදී විරාත් කෝලි රහසිගත නත්තල් සීයා බවට පත් වී ළමා නිවාසයේදී හමුවන අයුරු විකාශනය කර තිබේ.
ළමයින් සමග සතිටුන් ගතකල ඉන්දියානු නායකයා විරාත් කෝලි හමුවීමට අවශ්‍ය දැයි ළමයින්ගෙන් විමසූ අතර ධනාත්මක පිළිතුරක් ලැබීමෙන් පසු 31 හැවිරිදි ඔහුගේ ව්‍යාජ රැවුල සහ නත්තල් සියා තොප්පිය ගලවා ළමයින් පුදුමයට පත් කළේය.
“මේ අවස්ථා මට විශේෂයි. මේ ළමයි අවුරුද්ද පුරාම අපි වෙනුවෙන් ප්‍රීති ගෝෂා කරනවා. ඒ වගේම මේ සියලු දරුවන්ට ප්‍රීතිය ගෙන ඒමට මට හොඳ කාලයක් ලැබුණා. සුභ නත්තලක් සහ සුබ නව වසරක්” විරාත් කෝලි සිය වීඩියෝවේ ප්‍රකාශ කළේය
Be the first to comment