සංචාරක නවසීලන්ත කණ්ඩායම සහ ශ්‍රී ලංකා කණ්ඩායම අතර ලබන මස 14 වැනිදා ආරම්භ වීමට නියමිත තරග 2කින් යුත් ටෙස්ට් තරගාවලියට අදාල නවසීලන්ත සංචිතය අද ( 29 ) නිල වශයෙන් ප්‍රකාශයට පත් කළේය.
ක්‍රීඩකයන් 15 දෙනෙකුගෙන් යුත් මෙම සංචිතයේ කණ්ඩායම මෙහෙයවීමේ වගකීම කේන් විලියම්ස්ට හිමිව තිබේ. ලෝක ටෙස්ට් ශූරතාවට සමගාමිව ශ්‍රී ලංකාව සහ නවසීලන්තය හමුවන පළමු ටෙස්ට් තරගාවලිය ද මෙය වේ. ලබන මස 1 වැනිදායින් ආරම්භ වන ඕස්ට්‍රේලියා එංගලන්ත අළු බඳුන ක්‍රිකට් තරගාවලියෙන් මෙවර ලෝක ටෙස්ට් ශූරතාව ආරම්භ වීමට නියමිතයි.
නවසීලන්ත කණ්ඩායම – ( කේන් විලියම්සන් ( නායක ) , ටොම් ලේතන්, ජිට් රාවෙල්, රොස් ටේලර්, හෙන්රි නිකලස්, බී.ජේ වෙට්ලින්, ටොම් බ්ලන්ඩල්, කෝලින් ද ග්‍රෑන්ඩ්හෝම්, මිචෙල් සැන්ටර්, ටොඩ් ඇස්ටල්, ටිම් සයුති , විල් සමර්විල්, නීල් වැග්නර්, අජාස් පටෙල්, ට්‍රෙන්ට් බෝල්ට්
ශ්‍රී ලංකාව සහ නවසීලන්තය අතර පළමු ටෙස්ට් තරගය ලබන මස 14 වැනිදා ගාල්ල ජාත්‍යන්තර ක්‍රිකට් ක්‍රීඩාංගණයේදී ආරම්භ වීමට නියමිතයි.
Be the first to comment