දකුණු ආසියානු පාපන්දු සම්මේලනය 6 වැනි වරටත් සංවිධානය කරන “ වයස අවුරුදු 15න් පහළ පාපන්දු ශූරතාවලියේ ශ්‍රී ලංකාව සහභාගී වූ පළමු තරගයම භූතාන කණ්ඩායමට එරෙහිව ගෝල 3-2 කින් ජයග්‍රහණය කිරීමට අද ( 21 ) සමත් විය. මෙම තරගය ඉන්දියාවේ කොල්කටාහිදී පැවැත්විණි.
තරගයේ 52 වැනි මිනිත්තුවේදී ක්‍රියාත්මක වූ තේෂාන් තුෂ්මික ජයලත් ශ්‍රී ලංකා කණ්ඩායමේ පළමු ගෝලය වාර්තා කරමින් ශ්‍රී ලංකා කණ්ඩායමට සාර්ථක ආරම්භයක් ලබා දුන්නේය. තරගයේ 73 වැනි සහ 92 වැනි මිනිත්තුවේදී ගෝල ද්විත්වයක්ම වාර්තා කළ ඉන්ෂාන් මොහොමඩ් මිරාන් ශ්‍රී ලංකා කණ්ඩායමට ජයග්‍රහණය වෙත රැගෙන ගියේය.
මේ මස 31 වැනිදා දක්වා මෙම තරගාවලිය ඉන්දියාවේදී පැවැත්වෙන අතර ශ්‍රී ලංකාව සහභාගී වන දෙවැනි තරගය අනිද්දා ( 23 ) නේපාල කණ්ඩායමට එරෙහිව පැවැත්වීමට නියමිතයි.
Be the first to comment