සංචාරක ඕස්ට්‍රේලියානු කණ්ඩායම සහ එංගලන්ත කණ්ඩායම අතර ලීඩ්ස්හි පැවැත්වෙන තෙවැනි අළු බඳුන ටෙස්ට් තරගයේදී එංගලන්ත පළමු ඉනිම ලකුණු 67කට සීමා කිරීමට ජෝස් හේසල්වඩ් ප්‍රමුඛ ඕස්ට්‍රේලියානු පන්දු යවන්නෝ අද ( 23 ) සමත් වූහ.
එංගලන්ත ක්‍රීඩක ජෝ ඩෙන්ලි හැරෙන්නට සෙසු එකදු පිතිකරුවෙකුටවත් ලකුණු 10 සීමාව පසුකර යාමට ඕස්ට්‍රේලියානු පන්දු යවන්නන්ගෙන් අවස්ථාවක් හිමි නොවූහ. ජෝ ඩෙන්ලිට ද ලබාගත හැකි වූයේ ලකුණු 12 ක් පමණි.
විශිෂ්ට පන්දු යැවීමක නිරත වූ ජෝස් හේසල්වඩ් පන්දුවාර 12.5ක් පමණක් ක්‍රියාත්මක කරමින් ලකුණු 30කට කඩුලු 5ක් බිද හෙලීය. ඔහුට අනගි සහයක් ලබාදුන් පැට් කමින්ස් ලකුණු 23කට කඩුලු 3ක් සහ ජේම්ස් පැටින්සන් ලකුණු 9කට කඩුලු 2 බැගින් බිද හෙලූහ.
Be the first to comment