ශ්‍රී ලංකා විස්සයි 20 කණ්ඩායමේ නායක ලසිත් මාලිංග එංගලන්තයේ පැවැත්වෙන “The Hundred “ ක්‍රිකට් තරගාවලියට සහභාගී වීමට සිය කැමැත්ත පළකර තිබේ.
එළඹෙන වසරේ පැවැත්වෙන මෙම තරගාවලිය සඳහා එංගලන්තයේ ප්‍රධාන නගර 8ක නියෝජනය කරමින් ක්‍රීඩකයන් තරග වැදීමට නියමිතය .
මෙම තරගාවලිය සඳහා මෙවර ලෝක කුසලාන තරගාවලියේදී එංගලන්තයට නායකත්වය ලබාදුන් ඔයින් මෝගන්, කොදෙව් ප්‍රහාරාත්මක පිතිකරු ක්‍රිස් ගේල් ඇතුළු ජාත්‍යන්තර තලය නියෝජනය කළ මෙන්ම නියෝජනය කරමින් සිටින ක්‍රීඩකයන් රැසක්ම සහභාගී වීමට නියමිතය.
ෂයිඩ් අෆ්රිඩ්, ශකීබ් අල් හසන්, මොයින් අලී, බාබර් අසාම්, ටොම් කරන්, ක්වින්ටන් ඩි කොක්, ෆෆ් ඩු ෆ්ලේසි, ඒරන් ෆින්ච්,රශීඩ් ඛාන්, ලියාම් ප්ලන්කට්, කිරන් පොලාඩ්, කගීසෝ රබාඩා, ජේසන් රෝයි, ස්ටිව් සමිත්, මිචෙල් ස්ටාක්, කේන් විලියම්සන් සහ ඩේවිඩ් වෝනර් යන ප්‍රවීන ක්‍රීඩකයන් ඒ අතර වෙති.
තරගාවලියේ සියලු සංචිත මේ මස 20 වැනිදා මාධ්‍ය වෙත මුදා හැරීමට නියමිත බව එංගලන්ත ක්‍රිකට් ආයතනය නිවේදනය කරයි.
Be the first to comment